AURREIRITZIAK, KONPETENTZIA DIGITALA

Oraingo honetan konpetentzia digitalari buruzko hausnarketa egingo dugu. Jesús Valverde Berrocosen testua irakurri baino lehen, gai honen inguruan bakoitzak zituen aurreideiak partekatu ditugu eta taldekideon iritziak oso antzekoak zirela konturatu gara, berdinak ez esateagatik.

Gure hausnarketa, beraz, honakoa izango litzateke: 

• Konpetentzia digitala teknologia ezberdinak nola erabiltzen diren jakitea eta bertako aktualizazioak edo berrikuntzak onartzea eta hoiekin jokatzen jakitea da.

Datorren astean gai honen inguruan arituko gara gelan eta horrela gure aurreideia egokia den ikusi eta konpetentzia digitalari buruzko informazio gehiago eta zehatzagoa emateko aukera izango dugu.

Eskerrik asko gure bloga irakurtzeagatik.

Sazusavi taldea.

AURREIRITZIAK, ALFABETIZAZIO DIGITALA

Gaur alfabetizazio digitalaren inguruan dauzkagun aurreiritziak azalduko dizkizuegu. Lehenik eta behin, Jesús Valverde Berrocosok idatzitako testu bat irakurri dugu gaiaren inguruan murgiltzeko. Testuaren arabera alfabetizazio digitala IKT-ak erabiliz jakintza berriak sortu eta zabaltzeko gaitasuna da. 

Definizio hau aurkitu aurretik gure aurreideiak hauek ziren: 

• Alfabetizazio digitala teknologiak erabiltzen jakitea da. 
• Alfabetizazio mota honen helburua teknologien bitartez besteekin komunikatzeko gaitasuna izatea da.
• Alfabetizazio digitalaren bitartez besteekin komunikatzeko egokia den hizkuntza ikasten dugu, hau da, hizkuntza formala erabili teknologiaren bitartez gure ideiak transmititzeko adibidez.
• Interneten irakurtzen edo aurkitzen dugun informazioa interpretatzeko gai izatea da alfabetizazio digitala.

Ikusten duzuenez, gutako bakoitzak aurreiritzi desberdinak zituen eta nahiz eta bide onetik joan garen ez gara Jesús Valverdek jarri duen definiziora iritsi. Hurrengo astean, alfabetizazio digitalaren inguruan arituko gara gelan eta espero dugu informazio gehiago eta zehatzagoa ematea. 

Eskerrik asko gure bloga irakurtzeagatik.

Sazusavi taldea.

Aurkezpena

Zeintzuk osatzen dute Sazusavi taldea?

Donostiako Irakasleen Unibertsitate Eskolako 2. mailako lau ikasle gara. Pasaitar bat, Maialen Villena; Errenteriar bat, Naiara Zumeta; Arrasatear bat, Paula San Miguel eta Ermutar bat, Olatz Santos. 19-21 urte bitartean dauzkagu. 

Blog honetan gure IKT (Informazio Komunikazio Teknologia) proiektu eta lanak aurkeztuko dizkizuegu, gure prozesua ikus dezazuen. Lan hauen bitartez IKT-ak Lehen Hezkuntza arloan nola aplikatu azalduko dizuegu. Azken finean, hezkuntza eta teknologia berriak (ordenagailuak, arbel elektronikoak, tabletak...) geroz eta lotura estuagoa dute edozein klase edo ikasgaietan erabili daitezkeelako.

Bloggerren munduan hasi berriak garenez daukagun esperientzia apurrarekin ahalik eta hobekien egitea espero dugu, betiere erabilgarriak diren gaiak jorratuz eta bloga maiz eguneratuz. 

Bloga erabilgarria eta zuen gustukoa izatearen itxaropena dugu. Horregatik, gustatuko litzaiguke zuen oharrak edo iritziak jasotzea guk argitaratutako sarreren inguruan hobetu dezakeguna eta ondo egiten duguna jakiteko. 

Eskerrik asko aldez aurretik Sazusavi taldea.